Аддача на адукацыю і ацэнка чалавечага капіталу ў Беларусі

Чалавечы капітал рэгулярна разглядаецца беларускімі аўтарамі як канкурэнтная перавага і патэнцыйны фактар эканамічнага росту. Пры гэтым ён разглядаецца з гледзішча дэмаграфіі, адукацыі, навукі, аховы здароўя, замежнага гандлю ды інш., аднак ні ў воднай з прац беларускіх аўтараў не прыводзяцца якасныя ацэнкі чалавечага капіталу, якія маглі быць выкарыстаныя для ацэнкі яго ўнёску ў эканамічны рост. Гэтая праца прызначаная запоўніць гэты прагал праз эканаметрычную ацэнку аддачы на адукацыю і наступнай пабудовы дынамічнага шэрагу чалавечага капіталу.