Аналітычная запіска: становішча ў галіне нацыянальнай бяспекі Беларусі (ліпень 2018)

Найважнейшыя падзеі месяца. 2018/07/03 у Мінску прайшоў традыцыйны ваенны парад. Мерапрыемства ў гэтым годзе мела свае асаблівасці. Так, у мінулым годзе з-за магчымых палітычных дэмаршаў заходніх і ўкраінскіх дыпламатаў  не запрашаліся вайскоўцы 76-й дывізіі ПДВ Расіі, якія прымалі ўдзел у агрэсіі супраць Украіны. У гэтым годзе расейскія дэсантнікі ўсё ж такі прынялі ўдзел у мерапрыемстве. Прадстаўнікі дыпкорпусаў краін Захаду і Украіны праігнаравалі парад. Упершыню ў парадзе бралі ўдзел вайскоўцы з КНР.