Беднасць і сацыяльная інтэграцыя ў Беларусі – 2011

Пілотны выпуск агляду “Беднасць і сацыяльная інтэграцыя ў Беларусі” змяшчае аналіз розных аспектаў абсалютнай і адноснай беднасці ў Беларусі на падставе дадзеных Выбарачнага абследавання хатніх гаспадарак за 2010 г., даступных на момант падрыхтоўкі агляду. Акрамя таго, разглядаюцца прычыны беднасці (у тым ліку такія праявы сацыяльнай ізаляцыі, як беспрацоўе) і яе наступствы (у тым ліку з гледзішча доступу да матэрыяльных дабротаў і камунальных паслуг), а таксама ацэньваецца эфектыўнасць пэўных стратэгій пераадолення цяжкасцяў, ужываных хатнімі гаспадаркамі, у параўнанні з эфектыўнасцю такіх інструментаў сацыяльнай палітыкі, як ільготы і выплата дапамогі.