Нелюбоў да ўлады не трансфармуецца ў жаданне пратэставаць

Амплітуда хістанняў электаральнага рэйтынгу А. Лукашэнкі, як сведчаць шматгадовыя даследаванні НІСЭПД, можа дасягаць дзясяткаў працэнтных пунктаў. Манапалізуючы ўладу, ён гэтым самым прызначыў сябе “адказным за ўсё”. Таму змены настрояў аўтарытарнай часткі беларускага грамадства (гэтак званай “большасці”) наўпрост адлюстроўваюцца на ўзроўні дэкларатыўнай падтрымкі “адзінага палітыка”.