Паміж бясплатным дэфіцытам і платным лішкам

За апошнія 20 гадоў адбыліся значныя змены ў сферах, дзе раней назіраўся дзяржаўны манапалізм (бізнэс, масавая культура, узоры спажывання і г.д.). Аднак нязменным застаецца асноўны інстытут савецкага і дасавецкага мінулага – бескантрольная ўлада. Менавіта ўладныя інстытуты (суд, сілавыя структуры, а таксама сістэма адукацыі) блакуюць мадэрнізацыю беларускага грамадства, т. б. не дазваляюць яму стаць сучасным.