Рэсурс наведзенай мабілізацыі заканчваецца

Рэальныя  грашовыя даходы насельніцтва за студзень–лістапад 2014 г. да такога ж перыяду склалі 101.1%. Год таму гэткі ж паказнік быў нашмат вышэйшы – 117.2%. Аднак на стаўленні да эканамічнага крызісу гэткае значнае зніжэнне тэмпаў росту даходаў адбілася парадаксальным чынам: у снежні 2013 г. 68.6% рэспандэнтаў былі згодныя з тым, што эканоміка знаходзіцца ў крызісе, а ў снежні 2014 г. – толькі 52.3% (граф. 1). За кошт якіх фактараў успрыманне крызісу грамадскай думкай скарацілася на 16.3 пункта пры адначасовым катастрафічным зніжэнні тэмпаў росту даходаў? Хто ці што змусіла беларусаў адмовіцца ад рацыянальнага стаўлення да макраэканамічных падзеяў?