Абавязкі дзяржавы і іх выкананне: моладзь

У аналітычнай нататцы апісваюцца дачыненні дзяржавы з моладдзю і асобамі, якія не працуюць. Ва ўмовах скарачэння сацыяльных трансфертаў, а таксама пагаршэння ўмоваў на рынку працы, як нацыянальным, так і міжнародным, моладзь сутыкаецца з пагаршэннем перспектываў атрымання заробку, адпаведнага яе запытам. Гэтая група больш схільная, ва ўмовах пагаршэння магчымасці выхаду і бесперспектыўнасці пратэсту, да індывідуальнага прыстасавання (“выхад”, эміграцыя), чым да калектыўных дзеянняў. Разам з тым гэтая сацыяльная група ў найменшай ступені ўлучаная ў дзейны сацыяльны кантракт з уладай і, хоць на гэты момант не здольная стаць ініцыятарам пераменаў “знізу”, аднак яна патэнцыйна лаяльная да зменаў, накіраваных на лібералізацыю і маштабныя рэформы.