Сацыяльны кантракт: моладзь

Моладзь застаецца больш ліберальнай, чым найманыя працаўнікі. Як і найманыя працаўнікі, яна радзей, чым у 2009 г., пагаджаецца з палажэннямі сацыяльнага кантракта датычна працы на дзяржаўных прадпрыемствах, прымусовага размеркавання, меншай зарплаты, але гарантаванай працы. Пры гэтым адрозненнем ад найманых працаўнікоў ёсць тое, што моладзь часцей, чым у 2009 г., здольная пагаджацца з самымі агульнымі, стратэгічнымі і ідэалагічнымі палажэннямі сацыяльнага кантракта. Напрыклад, маладыя людзі часцей пагаджаюцца са сцверджаннямі: “дзяржаўныя прадпрыемствы атрымліваюць менш прыбытку, але іх не скупілі замежнікі” і, у першую чаргу, “у нашай дзяржаве забяспечваюцца грамадзянскі мір і палітычная стабільнасць, што апраўдвае пэўныя абмежаванні дэмакратыі і свабоды слова”