Абавязкі дзяржавы і іх выкананне: прадпрымальнікі

Сацыяльны кантракт паміж уладай і бізнэсам у Беларусі характарызуецца моцнай ступенню ўзаемнага недаверу і абыякавасці контрагентаў адзін да аднаго. Дзяржава валодае шырокімі паўнамоцтвамі ўплыву на бізнэс, а бізнэс не ўспрымае дзяржаву як контрагента, з якім можна дамаўляцца пра ўмовы сацыяльнага кантракту. Ва ўспрыманні бізнэсу дзяржава – хутчэй зададзенае асяроддзе, якое можна прымаць або не прымаць, выбіраючы “выхад” з кантракту, бо магчымасці для “голасу” строга абмежаваныя.