Ацэнка эфектыўнасці сацыяльных паслуг. Практыка некамерцыйных арганізацый Беларусі

Цэнтр сацыяльна-эканамічных даследаванняў CASE Belarus упершыню ў Беларусі правёў ацэнку эфектыўнасці сацыяльных інтэрвенцый. У аналітычнай справаздачы змяшчаюцца вынікі ацэнкі эфектыўнасці сацыяльных паслуг у дачыненні да дзяцей з сем'яў з групы рызыкі, маладых людзей з інваліднасцю і людзей з месцаў пазбаўлення волі.

Справаздача складаецца з чатырох раздзелаў. Першы раздзел прысвечаны апісанню метадалогіі аналіза затрат- прыбыткаў - метаду, які дазваляе ацаніць эфектыўнасць сацыяльных інтэрвенцый. Кожны з наступных раздзелаў прысвечаны асобнай уразлівай групе і ўключае ў сябе апісанне інтэрвенцыі, разлік яе выніковасці, падрабязнае апісанне выдаткаў, а таксама ацэнку сацыяльна-эканамічных выгод.