Беларусь і Казахстан: устойлівасць рэжымаў, спосабы легітымізацыі і стасункі са знешнім сусветам

Прэзідэнты Беларусі і Казахстана - найбольш доўга кіруючыя лідэры на постсавецкай прасторы. Абедзве краіны яднае савецкая спадчына і шэраг асаблівасцяў палітычнага рэжыму. Яны таксама з'яўляюцца дзяржавамі, найбольш інтэграванымі з Расіяй і незаменнымі ўдзельнікамі працэсу еўразійскай інтэграцыі.

У прапанаваным даследаванні параўноўваюцца кіруючыя рэжымы ў Беларусі і Казахстане, іх легітымацыйныя стратэгіі, а таксама палітыка ЕС у дачыненні да гэтых рэжымаў. У ходзе гэтага параўнання выяўляцца фактары ўстойлівасці гэтых двух аўтакратычных рэжымаў.