Чалавечы капітал: Уплыў міграцыі на эканоміку і грамадства Беларусі

Афіцыйная статыстыка завышае памер сальда знешняй міграцыі. Альтэрнатыўныя падлікі з выкарыстаннем дадзеных нацыянальных перапісаў насельніцтва і натуральнага перамяшчэння насельніцтва, а таксама параўнанне з дадзенымі краін, якія прымаюць людзей, ставяць пад сумнеў той факт, што Беларусь захоўвае станоўчае сальда міграцыі. Знешняя міграцыя робіць негатыўны ўплыў на дэмаграфічную сітуацыю не толькі ў колькасным, але і ў якасным аспекце. Як правіла, эмігранты – маладзейшыя і больш адукаваныя, чым імігранты, якія прыбываюць у Беларусь. Дадзеныя афіцыйнай статыстыкі пра колькасць працоўных мігрантаў таксама значна перакручаныя. Большасць экспертаў лічаць, што колькасць беларускіх працоўных мігрантаў у Расіі складае 100–300 тысяч у год. З аднаго боку, працоўная міграцыя  ў Расію прыводзіць да дэфіцыту працоўных кадраў у пэўных галінах беларускай эканомікі (будаўніцтва, транспарт), з другой – дазваляе знізіць узровень беспрацоўя і беднасці ў краіне і крыху паляпшае плацежны баланс Беларусі ў форме грашовых пераводаў ад мігрантаў.