Элементы нейтралітэту ў беларускай знешняй палітыцы і палітыцы нацыянальнай бяспекі

Дадзенае даследаванне разглядае тры наступныя пытанні. Па-першае, аўтары даследуюць вытокі і развіццё фактычнага беларускага нейтралітэту. Па-другое, у даследаванні вызначаюцца асноўныя элементы і праявы нейтралітэту ў беларускай знешняй палітыцы і палітыцы нацыянальнай бяспекі. Адначасова з гэтым аўтары параўноўваюць дадзеную мадэль нейтралітэту з іншымі, перш за ўсё з фінскай мадэллю (пасля Другой сусветнай вайны) як найбольш адпаведнай беларускай у тым, што датычыць кантэксту і асноўных рысаў. Па-трэцяе, даследаванне ацэньвае важнасць нейтралітэту для кансалідацыі беларускай дзяржаўнасці, а таксама перспектывы ды праблемы яго рэалізацыі.