Слабы патэнцыял доўгатэрміновага росту застаецца прыярытэтнай праблемай беларускай эканомікі. Адным з асноўных элементаў макраэканамічнай палітыкі ў 2014 г. быў рэжым таргетавання абменнага курсу. Але пры гэтым павялічылася ступень кансерватыўнасці манетарнай і фіскальнай палітыкі. Эканамічныя ўлады ўпершыню пачалі ўжываць абмежаванне росту даходаў насельніцтва. Акрамя таго, працягвалася палітыка “рэпрэсіі” інвестыцый дзеля забеспячэння фінансавай стабільнасці. Аднак такі дызайн палітыкі не быў здольны супрацьстаяць новым вонкавым шокам. У выніку ў краіне зноў адбыўся валютны крызіс, а напружанасць у фінансавай сферы павялічылася. На такім фоне вынікі макраэканамічнай дынамікі ў 2014 г. былі зусім не прывабныя: нізкі рост, высокая інфляцыя, высокі знешні дэфіцыт. Назапашаныя структурныя і кан'юктурныя праблемы актуалізуюць пагрозу зацяжной рэцэсіі ў наступныя гады.
Attachment | Size |
---|---|
Спампаваць 21 | 588.92 KB |