Рынкі працы і капіталу ў Беларусі: аднолькавы статус для доўгатэрміновага росту

Працоўны матэрыял падае вынікі даследавання сувязі паміж развіццём рынку працы і рынку капіталу ў Беларусі як двух галоўных складнікаў росту эканомікі. Аналіз шматлікіх статыстычных дадзеных сведчыць, што неразвітасць фінансавага рынку і зніжэнне аддачы ад інвестыцый у Беларусі шмат у чым тлумачыцца залішняй занятасцю, а таксама палітыкай, якая праводзілася ў сферы аплаты працы. На падставе вынікаў даследавання рэкамендаваныя кірункі ўдасканальвання інстытутаў рынку працы і рынку капіталу, якія можна рэалізаваць ужо ў кароткатэрміновай перспектыве.