Маніторынг рэалізацыі Рэспублікай Беларусь канвенцыі ЮНЕСКА аб ахове і заахвочванні разнастайнасці форм культурнага самавыяўлення

Вынікі пілотнага даследавання далі магчымасць зрабіць шэраг высноваў і рэкамендацый як для дзяржаўных органаў, так і для грамадзянскай супольнасці. Гэтыя рэкамендацыі ляжаць у галіне развіцця дыялогу і ўдасканалення інструментаў сумеснай ацэнкі і ўзгаднення інтарэсаў розных актараў. Важнае месца ў гэтых рэкамендацыях займае і развіццё сістэмы ацэнкі і маніторынгу, якая з'яўляецца неад'емнай часткай працэсу імплементацыі Канвенцыі як у Беларусі, так і ва ўсіх краінах, якія арыентаваны на рэалізацыю закладзеных у ёй каштоўнасцяў і мэтаў.