Наколькі ізаляваная Беларусь? Аналіз консульскай статыстыкі краін Шэнгенскага пагаднення ў 2007–2011 гг.

У снежні 2007 г. шэраг краін “новай Еўропы”, у тым ліку ўсе заходнія суседзі Беларусі, якія ўваходзяць у ЕС (Латвія, Літва, Польшча), увайшлі ў Шэнгенскую прастору. У выніку выезд грамадзян Беларусі пачаў выклікаць вялікія цяжкасці: у шмат разоў павялічыўся візавы збор, ускладніліся працэдуры падачы візавых заяваў. Гэта, у сваю чаргу, выклікала рэзкае скарачэнне колькасці віз, выдадзеных консульствамі краін Шэнгена ў Беларусі ў 2008 г. Пасля некалькіх гадоў з часу пашырэння Шэнгенскай прасторы варта даследаваць наступныя пытанні: у якой ступені краіны ЕС пераадолелі гэтыя негатыўныя візавыя наступствы і наколькі візавая палітыка ЕС спрыяе ізаляцыі беларускага грамадства.