Патэнцыял і магчымасці ўкаранення механізмаў лакальнага планавання ў беларускіх рэгіёнах для забеспячэння правоў людзей з інваліднасцю

У дадзенай справаздачы прадстаўлены абагульнены аналіз умоў, у якіх будзе імплементавацца ў Беларусі Канвенцыя ААН аб правах інвалідаў. Першая частка ўяўляе сабой кароткі агляд беларускага заканадаўства ў ракурсе падыходу Канвенцыі. У другой частцы прыводзіцца аналіз гарадскіх суб'ектаў і іх ролі ў механізмах імплементацыі Канвенцыі на лакальным узроўні. Трэцяя частка - гэта аналіз праблем і перспектыў імплементацыі Канвенцыі на прыкладзе некаторых сфер (даступнасць фізічнай прасторы, камунікатыўная даступнасць, доступ да працаўладкавання) з улікам сабранага матэрыялу аб існуючых практыках і падыходах.