Паясы беднасці: прыклады з сусветнай практыкі

У індустрыйных краінах з негатыўным прыростам насельніцтва (Расія, Японія, Германія) узнікненне паясоў беднасці звязанае з дэградацыяй старых вытворчасцяў у перыферыйных гарадах, а таксама перасяленнем моладзі ў метраполіі, якія робяцца цэнтрамі новай эканамічнай актыўнасці. У хутка развіваных краінах (Кітай, Нігерыя, Бразілія) узнікненне зон беднасці вакол буйных гарадоў ёсць пабочным эфектам шпаркай індустрыялізацыі. Даследаванняў, якія прапануюць развязанне праблемаў “агламерацыйнага” ценю, пакуль надзвычай мала. Эксперты раяць аддаваць асаблівую ўвагу развіццю сярэдніх гарадоў, якія могуць патрапіць пад негатыўны ўплыў метраполіі, а таксама развіваць рэгіянальныя цэнтры, якія могуць паслужыць процівагай мегаполісам.