Для каго крызіс, а для каго і пэўныя цяжкасці

Дынаміка сацыяльных індэксаў у другім квартале 2015 г. працягвала фармавацца пад уплывам эканамічных і палітычных фактараў, дзейных у супрацьлеглых кірунках. Уплыў эканамічнага фактару застаецца пераважна негатыўным. Рэальныя грашовыя даходы насельніцтва за студзень–травень знізіліся да аналагічнага перыяду мінулага года на 4.2%, тады як за студзень–сакавік – на 3%. Г.зн. тэмп зніжэння рэальных даходаў павялічыўся. Аднак рост індэкса спажывецкіх коштаў запаволіўся. Калі ў студзені датычна снежня ён склаў 102.4%, дык у траўні датычна красавіка – 100.7%.