Дынаміка даходаў і шляхі павышэння дабрабыту насельніцтва

Пачынаючы з вясны 2011 года эканамічная сітуацыя ў Рэспубліцы Беларусь характарызуецца нестабільнасцю на валютным рынку, узмацненнем жорсткасці манетарнай і фіскальнай палітыкі, а таксама галапіруючай інфляцыяй. У такіх умовах заканамерна адбывалася зніжэнне даходаў насельніцтва ў рэальным выяўленні. Дадзеная тэндэнцыя становіцца істотнай праблемай для дзяржавы, эканоміка якой з'яўляецца сацыяльна арыентаванай, і дзе адной з асноўных мэтаў развіцця ёсць павышэнне дабрабыту грамадзян. Аднак палітыка адміністрацыйнага павышэння даходаў насельніцтва, ужываная ў папярэднія перыяды, паказала сваю безгрунтоўнасць у новых эканамічных умовах.