Дзяржаўныя закупкі з адной крыніцы ў Рэспубліцы Беларусь: аналіз і рэкамендацыі

У працы даследаваныя пытанні прававога рэгулявання закупак з адной крыніцы і працэдур іх правядзення; афіцыйныя статыстычныя дадзеныя па дзяржаўных закупках; апублікаваная інфармацыя па закупках з адной крыніцы; грамадскія дыскусіі. Паколькі закупкі з адной крыніцы з'яўляюцца адной з працэдур дзяржаўных закупак, то ў поле даследавання ўвайшлі агульныя для ўсіх працэдур пытанні прававога рэгулявання. Пры аналізе дадзеных таксама надавалася ўвага ўзаемазвязанасці пытанняў закупак з адной крыніцы з іншымі пытаннямі прававога рэгулявання, уключаючы антыманапольнае рэгуляванне, абарону і развіццё канкурэнцыі на рынку, антыдэмпінгавую палітыку ў ходзе тэндэраў і іншае.