Макраэканамічная дынаміка Беларусі 2014: валютны шок на фоне стагнацыі

Слабы патэнцыял доўгатэрміновага росту застаецца прыярытэтнай праблемай беларускай эканомікі. У 2014 значнага прагрэсу ў гэтай сферы дасягнута не было, аднак урад прадэклараваў пачатак падрыхтоўчага этапу структурных рэформаў. Адным з асноўных элементаў макраэканамічнай палітыкі ў 2014 г. заставаўся рэжым таргетавання абменнага курсу. Але пры гэтым павялічылася ступень кансерватыўнасці манетарнай і фіскальнай палітыкі. Эканамічныя ўлады ўпершыню сталі звяртацца да абмежавання росту даходаў насельніцтва. Акрамя таго, працягвалася палітыка "рэпрэсіі" інвестыцый ва ўгоду меркаваннях фінансавай стабільнасці. Аднак такі дызайн палітыкі, нават падмацаваны сур'ёзнымі марнаваннямі золатавалютных рэзерваў, апынуўся неплацежаздольным перад тварам новых знешніх шокаў. У выніку ў краіне зноў меў месца валютны крызіс, а напружанасць у фінансавай сферы ўзрасла. На такім фоне, вынікі макраэканамічнай дынамікі ў 2014 годзе былі непрывабнымі: нізкі рост, высокая інфляцыя, высокі знешні дэфіцыт. Назапашаныя структурныя і кан'юнктурныя праблемы актуалізуюць пагрозу зацяжной рэцэсіі ў наступныя гады.