Палітычна-дзелавы цыкл у Беларусі, або Палітычная эканомія даверу прэзідэнту

У Беларусі мы назіраем сітуацыю "ўстойлівай" цыклічнасці: хоць спажывец асэнсоўвае наяўнасць перыядаў хістання дынамікі даходаў (і разумеючы, што пасьля росту будзе зніжэнне), у моманты іх росту ён дэманструе павышаную лаяльнасць да ўладаў, што выяўляецца ў росце рэйтынгу даверу. І з тае прычыны, што існаванне сітуацыі абсалютна рацыянальнага гандлю лаяльнасцю малаімаверна (іншымі словамі, патэрну паводзінаў “калі ў мяне вырасце заробак, тады і толькі тады я буду падтрымліваць уладу” бадай няма), хістанні даверу выступаюць не толькі як ацэнка эфектыўнасці эканамічнай палітыкі “тут і цяпер”, але і як індыкатар упэўненасці грамадзян у здольнасці ўлады выконваць абавязкі паводле сацыяльнага кантракта.