Сацыяльны кантракт: падвойная стратэгія

Хваля крызісаў не прычынілася да страты беларускай уладай даверу насельніцтва. Згода беларусаў з асноўнымі параметрамі “сацыяльнага кантракта” (паводле фармулёўкі даследавання 2009 г.) засталася на ранейшым узроўні. Больш за тое, яны пачалі больш высока ацэньваць тыя паслугі, якія дае ім дзяржава, і пры гэтым – патрабаваць ад дзяржавы менш, усё больш спадзеючыся на сябе. На падставе індэкса “ступені згоды” з “сацыяльным кантрактам” і ацэнкі яго ключавога пагаднення мы робім выснову пра тое, што “сацыяльны кантракт” у выглядзе прапановы дзяржаўнага рэжыму па-ранейшаму падтрымліваецца насельніцтвам.