Дадзенае даследаванне прысвечана пытанням спрашчэння адміністрацыйнай нагрузкі падатковай сістэмы Рэспублікі Беларусь праз мадэль стандартных выдаткаў. Прапаноўваецца кароткае апісанне асноўных характарыстых і праблемных момантаў падатковай сістэмы, тлумачыцца мадэль стандартных выдаткаў і вылучаюцца яе асноўныя перавагі для Рэспублікі Беларусь. Асноўны моцны бок прапанаванай метадалогіі – высокая ступень дэталізаванасці вымярэння адміністрацыйных выдаткаў і, адпаведна, істотны патэнцыял для спрашчэння рэгулявання, што ў выніку вядзе да эканамічных выгодаў для краіны.
Сярод іншых перавагаў вылучаюцца вызначэнне найбольш цяжкага для выканання падатковага заканадаўства; вызначэнне сфер эканамічнай дзейнасці, дзе спрашчэнне заканадаўства будзе мець найбольшы патэнцыял; эфектыўная класіфікацыя падатковага заканадаўства; стымуляцыя зменаў рэгулявання і выяўлення адпаведных наступстваў; спрыянне павелічэнню інфарматызацыі эканомікі; вызначэнне дзяржаўных органаў адказных за найбольш цяжкае рэгуляванне; вызначэнне агульных коштаў адміністрацыйнай нагрузкі. Выкарыстанне мадэлі стандартных выдаткаў дазволіць пазбавіць ад бар’ераў на шляху эфектыўнага развіцця эканомікі.
Attachment | Size |
---|---|
Спампаваць 14 | 489.44 KB |