Чалавечы капітал: Беларуская вышэйшая адукацыя ў міжкраінавай перспектыве

Мэта працы – на падставе шэрагу параўнальных паказнікаў і індыкатараў наблізіцца да аб’ектыўнай ацэнкі якасці беларускай сістэмы вышэйшай адукацыі ў міжкраінавай перспектыве і, адпаведна, ацаніць якасць чалавечага капіталу, прадукаванага нацыянальнай адукацыйнай сістэмай. На аснове гэтай працы і іншых працаў цыклу “чалавечы капітал” BISS плануе падрыхаваць policy paper з рэкамендацыямі ўраду. У гэтай агляднай працы разглядаюцца такія кампаратыўныя паказнікі, як а) паказнікі адукаванасці, у тым ліку паводле ўзроўняў сістэмы адукацыі і спецыялізацыяў, б) архітэктура сістэмы адукацыі, в) выдаткі на адукацыю, г) узровень інтэрнацыяналізацыі адукацыі, у тым ліку экспарт адукацыйных паслуг і сальда студэнцкай мабільнасці.