Макраэканамічная мадэль для аналізу эфектыўнасці макрапрудэнцыяльнай і манетарнай палітыкі

Глабальны фінансавы і эканамічны крызіс прывёў да неабходнасці перагляду ўсталяваных прынцыпаў рэалізацыі эканамічнай палітыкі і рэгулявання фінансавага сектару. Крызіс паказаў, што спалучэнне гнуткага таргетавання інфляцыі і мікрапрудэнцыяльнага рэгулявання банкавага сектару можа быць недастаткова эфектыўным у супрацьдзеянні росту і рэалізацыі сістэмнай рызыкі. Для барацьбы з сістэмнай рызыкай прызначаныя макрапрудэнцыяльныя нарматывы, якія, па-першае, накіраваныя на памяншэнне сістэмнай рызыкі ў дынаміцы (контрцыклічныя нарматывы), а па-другое, могуць зменшыць імавернасць распаўсюджання праблем асобных інстытутаў на ўсю банкавую/фінансавую сістэму.