На фінішнай прамой года: які воз рыхтаваць?

Сёлета скончыўся перыяд стымуляцыі ўнутранага спажывецкага рынку за кошт эфекту “арганізаванага росту даходаў”. Мы ўвайшлі ў паласу 100-даляравай зарплаты, але дайсці да жаданых 250 зусім няпроста. Прынамсі, не ў 2005 годзе, як абяцаў урад. 

Нацыянальны бізнэс не да канца ўсведамляе развіццё новых тэндэнцый і трэндаў у беларускай эканоміцы. Разбэсціла сітуацыя з 10–15-адсоткавым прыростам штогадовага попыту, што было зусім нядаўна. З другога боку, узмацнілася схільнасць да зберажэнняў хатніх гаспадарак. Банкі робяцца канкурэнтамі супермаркетаў, хоць і тых і другіх вельмі мала.