У гэтай працы аналізуецца сістэмная рызыка ў часовым вымярэнні як адна з пагрозаў макраэканамічнай стабільнасці ў Беларусі. Паказваецца, што спецыфіку беларускай банкаўскай сістэмы і яе рэгулявання абумоўліваюць шэраг асаблівасцяў ва ўзаемадзеянні цыклічнай дынамікі УВП і прапановы крэдытных рэсурсаў банкаўскага сектара. Названыя асаблівасці ёсць дадатковым абгрунтаваннем для чакання наяўнасці значнага эфекту працыклічнасці ва ўзаемадзеянні банкаўскага і рэальнага сектараў эканомікі. Тэставанне адпаведнай гіпотэзы дазваляе фармальна пацвердзіць наяўнасць гэтага эфекту ў Беларусі. Патэнцыял сістэмнай рызыкі ў 2011 г., імаверна, не быў цалкам рэалізаваны, што звязана з нейтралізацыяй часткі гэтага патэнцыялу інфляцыйна-дэвальвацыйнымі працэсамі. У каротка- і сярэднетэрміновай перспектыве захоўваюцца перадумовы для дзеяння гэтага эфекту, абмежаваць які магчыма прэвентыўнымі захадамі рэгуляцыйнай палітыкі.
| Attachment | Size |
|---|---|
 Спампаваць 7 | 325.99 KB |
