Сацыяльны кантракт: найманыя працаўнікі

Даследаванне дазваляе зрабіць некалькі высноваў. Ступень улучанасці групы найманых працаўнікоў у “сацыяльны кантракт” знізілася. З набору кластараў у групе найманых працаўнікоў знік кластар “залежных патэрналістаў”. Пры гэтым, як і раней, прыналежнасць да пэўнага кластару абумоўліваецца збольшага ўзроўнем адукацыі рэспандэнта. У большасці прадстаўнікоў гэтай катэгорыі знізіліся чаканні датычна выканання ўладай сваіх абавязкаў. Большасць рэспандэнтаў сцвярджаюць, што іх узровень жыцця за апошні год знізіўся або не змяніўся і негатыўна ацэньваюць перспектывы яго павышэння. Адбыўся рост ацэнак якасці выканання дзяржавай сваіх абавязкаў у рамках “сацыяльнага кантракта” пры (як згадана вышэй) адначасовым зніжэнні чаканняў.