Пастка нізкіх тэмпаў росту: фактары і рызыкі для Беларусі

Пачынаючы з 2010 г. у Беларусі адбылося значнае пагаршэнне паказчыкаў дынамікі валавога ўнутранага прадукту. Паводле прагнозаў МВФ, у наступныя 6 гадоў (2018-2023 гг.) сярэдні тэмп росту беларускай эканомікі можа скласці каля 2,2% і будзе ніжэй многіх краін рэгіёну. Як паказваюць эмпірычныя даследаванні, да найбольш важных фактараў, якія тлумачаць узнікненне ў краіне праблем з эканамічным ростам, адносяцца структура і дыверсіфікаванасць экспарту, а таксама прадукцыйнасць працы. У сувязі з гэтым у працы былі разгледжаны дадзеныя фактары ў дачыненні да Беларусі.