Роля прыватнага сектара ў Беларусі: праблема падліку

Развіццё прыватнага сектара і ўзмацненне яго ролі ў эканоміцы з'яўляецца адной з ключавых задач, якая неаднаразова паўтаралася ўладамі. Рэформы, якія праводзіліся ў Беларусі ў 2006-2014 гадах, дазволілі краіне перамясціцца з 106 на 57 пазіцыю ў рэйтынгу Doing Business. Пры гэтым сцвярджаецца, што рэформы спрыялі хуткаму развіццю прадпрымальніцкай ініцыятывы і ўзмацненню яе ролі. На жаль, няма аргументаванага пацверджання гэтага факта. Адсутнасць празрыстай і выразнай метадалогіі ў беларускай статыстыцы па пытанні, як ацаніць ролю прыватнага сектара, не дазваляе дакладна вызначыць ўклад беларускага бізнесу ў эканоміку і параўнаць яго з іншымі краінамі.