Роля прыватнага сектара Беларусі: праблема падліку

Развіццё прыватнага сектара і ўзмацненне яго ролі ў эканоміцы – адна з асноўных задач, пра якую неаднаразова кажуць улады. Рэформы 2006–2014 гг. у Беларусі дазволілі краіне перамясціцца з 106-й на 57-ю пазіцыю ў рэйтынгу Doing Business. Пры гэтым сцвярджаецца, што рэформы спрыялі хуткаму развіццю прадпрымальніцкай ініцыятывы і ўзмацненню яе ролі. На жаль, няма аргументаванага пацверджання гэтага факту. Адсутнасць празрыстай метадалогіі ў беларускай статыстыцы датычна пытання, як ацаніць ролю прыватнага сектара, не дазваляе дакладна вызначыць унёсак беларускага бізнэсу ў эканоміку і параўнаць яго з іншымі краінамі.