Аддача на адукацыю і ацэнка чалавечага капіталу ў Беларусі

Чалавечы капітал рэгулярна разглядаюць беларускія аўтары як канкурэнтную перавагу і патэнцыйны фактар эканамічнага росту. Пры гэтым яго разглядаюць з гледзішча дэмаграфіі, адукацыі, навукі, аховы здароўя, замежнага гандлю ды інш., аднак ніводная з працаў беларускіх аўтараў не прыводзіць колькасныя ацэнкі чалавечага капіталу, якія можна выкарыстаць для ацэнкі яго ўнёску ў эканамічны рост. Гэтая праца запаўняе гэты прагал праз эканаметрычную ацэнку аддачы на адукацыю і далейшай пабудовы дынамічнага шэрагу чалавечага капіталу.