Структурныя зрухі ў дынаміцы інфляцыі і грашовых агрэгатаў у Беларусі

Вызначэнне структурных зрухаў у дынаміцы макраэканамічных паказчыкаў з'яўляецца важнай задачай прыкладнога эканаметрычнага аналізу і прагназавання. У эканамічнай літаратуры існуе шмат падыходаў да вызначэння наяўнасці структурных зрухаў і іх дакладных кропак (напрыклад, шырока вядомыя тэсты Чоу на структурны зрух). Аднак большасць гэтых тэстаў не дазваляюць выяўляць множныя структурныя зрухі, якія з'яўляюцца асаблівасцю многіх макраэканамічных паказчыкаў. Дадзеная праблема асабліва актуальная для краін з пераходнай эканомікай, дзе наяўныя часовыя шэрагі макраэканамічных паказчыкаў, якія ёсць вельмі кароткімі і адначасова адчуваюць на сабе ўплыў цэлага шэрагу структурных зрухаў, абумоўленых знешнімі шокамі і зменамі ў эканамічнай палітыцы. У дадзенай працы мы пакажам магчымасці новага метаду вызначэння структурных зрухаў, заснаванага на сатурацыя імпульснымі індыкатарнымі зменнымі на прыкладзе паказчыкаў інфляцыі і прыросту грашовых агрэгатаў у Беларусі. Гэтыя паказчыкі часта выкарыстоўваюцца ў эканамічным аналізе, ўключаюцца ў розныя эканаметрычныя мадэлі і маюць істотнае значэнне для манетарнай палітыкі.