Сучасныя гендэрныя тэндэнцыі на беларускім рынку працы: разрыў у аплаце працы, "штраф за бацькоўства" і "шлюбная прэмія"

Пытанне гендэрнай роўнасці на рынку працы Беларусі да гэтага часу не вывучанае. З аднаго боку, назіраецца істотная прысутнасць жанчын на рынку. У той жа час дадзеныя сведчаць аб росце гендэрнага разрыву ў аплаце працы, які павялічыўся з 16,5% у 2005 годзе да 24% у 2014 годзе. Дэкампазіцыя разрыву ў заработнай плаце на працягу 2005-2014 гадоў паказала, што адрозненне ў аплаце працы мужчын і жанчын з'яўляецца асноўным фактарам, якія ўплывае на рост гендэрнай няроўнасці, у той час як асабістыя характарыстыкі губляюць значэнне. Аўтар таксама не знаходзіць ніякай сувязі паміж заработнай платай і шлюбам для жанчын, у той час як жанатыя мужчыны маюць "шлюбную прэмію" у памеры 10,5%. "Штраф за бацькоўства" характэрны для жанчын і складае прыкладна 14,4%. Наяўнасць дзяцей ва ўзросце ад 0 да 6 гадоў становіцца прычынай найбольшага зніжэння заработнай платы. Акрамя таго, аналіз паказвае, што адукаваным жанчынам заработная плата скарачаецца на 20,4%, у той час як "штраф" для жанчын з сярэдняй і ніжэйшай адукацыяй складае толькі 8%.